ქართულ-პოლონური საზაფხულო სკოლა

21 ივლისი,2018

16-21 ივლისს გორის სახელმწიფო სასწავლო უნივერსიტეტში მიმდინარეობდა ქართულ-პოლონური საზაფხულო სკოლა სტუდენტებისთვის, სადაც მონაწილეობას იღებდნენ ვარშავისა და გორის სახელმწიფო უნივერსიტეტის სტუდენტები. საზაფხულო სკოლა მოიცავდა სხვადასხვა ტიპის ღონისძიებებს. პროგრამა დატვირთული იყო სამეცნიერო ლექციებით, პრაქტიკული სემინარებით და შემოქმედებითი აქტივობებით. სტუდენტებმა საზაფხულო სკოლის ფარგლებში მოინახულეს შიდა ქართლში მდებარე ისტორიული ძეგლები და სხვა ღირსშესანიშნაობები: უფლისციხის მუზეუმ-ნაკრძალი, ატენის ხეობა, ეთნოგრაფიული და ოკუპაციის მუზეუმები, ლეხ და მარია კაჩინსკების ქუჩა, ასევე გენერალ პილსუდსკის სახელობის სკვერი.
საზაფხულო სკოლის დახურვის საზეიმო ღონისძიება გახსნა გორის სახელმწიფო სასწავლო უნივერსიტეტის რექტორმა, პროფესორმა გიორი სოსიაშვილმა, რომელმაც ისაუბრა გორის და ვარშავის უნივერსიტეტების თანამშრომლობასა და ქართულ-პოლონურ ურთიერთობის მნიშვნელობაზე.
საზაფხულო სკოლის მონაწილე სტუდენტებს და პროექტის აქტიურ მონაწილეებს გადაეცათ სპეციალური სერტიფიკატები, სამახსოვრო საჩუქრები და მადლობის სიგელები.
ვარშავის უნივერსიტეტის სტუდენტებმა გორის სახელმწიფო უნივერსიტეტს საზაფხულო სკოლის ორგანიზებისათვის მადლობა გადაუხადეს და საჩუქრად პოლონური წიგნები გადასცეს. საზაფხულო სკოლის დახურვის საზეიმო ცერემონიალი დასრულდა გორის უნივერსიტეტის ბენდის კონცერტით.

მიმაგრებული სურათები

კალენდარი

ღონისძიებები იხილეთ ყველა

საზაფხულო სკოლა მიმდინარეობს ქართველი, თურქი და პოლონელი სტუდენტებისთვის

გორის სახელმწიფო სასწავლო უნივერსიტეტში 17 ივლისიდან საზაფხულო სკოლა მიმდინარეობს ქართველი, თურქი და პოლონელი სტუდენტებისთვის.

19 ივლისი, 2019 სრულად ნახვა

სამაგისტრო ნაშრომების საჯარო დაცვები

გორის სახელმწიფო სასწავლო უნივერსიტეტის ჰუმანიტარულ მეცნიერებათა ფაკულტეტზე მიმდინარეობს სამაგისტრო ნაშრომების საჯარო დაცვები.

19 ივლისი, 2019 სრულად ნახვა