შეხვედრა სამართლის სპეციალობის სტუდენტებთან და პროფესორ-მასწავლებლებთან

08 მაისი,2019

მიმდინარე წლის 8 მაისს გორის სახელმწიფო სასწავლო უნივერსიტეტს სამუშაო ვიზიტით ეწვია ქალბატონი რენატა ვინტერი, რომელმაც შეხვედრა გამართა გორის სახელმწიფო სასწავლო უნივერსიტეტის სამართლის სპეციალობის სტუდენტებთან და პროფესორ-მასწავლებლებთან. შეხვედრა გახსნა გორის სახელმწიფო სასწავლო უნივერსიტეტის რექტორის მოადგილემ, პროფესორმა გიორგი სოსიაშვილმა, რომელმაც მადლობა გადაუხადა სტუმარს ვიზიტისთვის, ისაუბრა ევროკავშირის მხარდაჭერის მნიშვნელობაზე საქართველოში მართმსაჯულების განმტკიცების მიმართულებით და სტუმარს სიმბოლური საჩუქრები გადასცა.

ვიზიტი ასევე ითვალისწინებდა საჯარო ლექციას თემაზე - ,,არასრულწლოვანთა მართლმსაჯულების საერთაშორისო, სამართლებრივი საკითხები“. ლექციაზე განიხილეს არასრულწლოვანთა მართლმსაჯულების საერთაშორისო მიდგომები - ჰუმანური და ლიბერალური მართლმსაჯულება ბავშვებისათვის. მოსამართლე რენატე ვინტერის მოხსენება მოიცავდა ისეთ საკითხებს, როგორიცაა არასრულწლოვანთა პასუხისმგებლობა, ადმინისტრაციული და სისხლის სამართლის პროცესი,სასჯელაღსრულების და სხვა საკითხების მარეგულირებელი ნორმები.

ლექციაზე სტუდენტებს საშუალება მიეცათ კითხვა - პასუხის რეჟიმში მიეღოთ დამატებითი ინფორმაცია, არასრულწლოვანთა უფლებების დაცვის ახალ სტანდარტებსა და საერთაშორისო სამართლებრივი მექანიზმების შესახებ.

ქალბატონი რენატე ვინტერი რომელიც დღემდე არის ავსტრიის მოსამართლე. მისი გამოცდილება მოიცავს არასრულწლოვანთა მართლმსაჯულების, ომის და ადამიანურობის წინააღმდეგ მიმართულ დანაშაულების, გენდერის, ორგანიზებულ დანაშაულის და აღდგენითი მართლმსაჯულების საკითხებს. იგი მუშაობდა კოსოვოს უზენაეს სასამართლოში მოსამართლედ, როგორც გაერთიანებული ერების ორგანიზაციის მისიის შემადგენლობაში, 2002 წელს კი სიერა ლეონის სპეციალურ სასამართლოში.

მიმაგრებული სურათები

კალენდარი

ღონისძიებები იხილეთ ყველა

საქართველოს დამოუკიდებლობის დღისადმი მიძღვნილი ონლაინ სემინარი

2020 წლის 26 მაისს, გორის სახელმწიფო სასწავლო უნივერსიტეტის სტუდენტთა კარიერული განვითარებისა და მხარდაჭერის სამსახურის ინიციატივით ჩატარდა საქართველოს...

26 მაისი, 2020 სრულად ნახვა

საქართველოს დამოუკიდებლობის დღისადმი მიძღვნილი ონლაინ კონფერენცია სსიპ...

2020 წლის 26 მაისს, გორის სახელმწიფო-სასწავლო უნივერსიტეტის ჰუმანიტარულ მეცნიერებათა ფაკულტეტისა და ისტორიისა და არქეოლოგიის სასწავლო-სამეცნიერო ცენტრის...

26 მაისი, 2020 სრულად ნახვა