სიახლე !

გამოცხადდაგლობალურისტუდენტურიგაცვლითიპროგრამისახალიშესარჩევიკონკურსი.
გლობალური სტუდენტური გაცვლითი პროგრამა წარმოადგენს ამერიკის შეერთებული შტატების სახელმწიფო დეპარტამენტის განათლებისა და კულტურის ბიუროს პროგრამას. სტუდენტური პროგრამა საშუალებას აძლევს ბაკალავრიატის პირველ, მეორე და მესამე კურსის სტუდენტებს სომხეთიდან, აზერბაიჯანიდან, ბელორუსიიდან, საქართველოდან, ყაზახეთიდან, ყირგიზეთიდან, მოლდოვეთიდან, რუსეთიდან, ტაჯიკეთიდან, თურქმენეთიდან, უკრაინიდან და უზბეკეთიდან  ისწავლონ ამერიკის შეერთებული შტატების უნივერსიტეტში ან კოლეჯში. პროგრამა არ ითვალისწინებს აკადემიური ხარისხის მინიჭებას. მონაწილეები შეირჩევიან ღია, თანასწორუფლებიანი კონკურსის საფუძველზე.
პროგრამის ყველა მონაწილე:

• დაესწრება ლექციების კურსს ერთი აკადემიური წლის განმავლობაში;
• პირველი სემესტრის განმავლობაში შეასრულებს მინიმუმ 20 საათის მოცულობის საზოგადოებრივ საქმიანობას მასპინძელ ქალაქში; და
• გაივლის ნახევარ-განაკვეთიან სტაჟირებას მეორე სემესტრის განმავლობაში (ერთწლიანი პროგრამის შემთხვევაში).

სტუდენტები, რომლებიც ანკეტის ჩაბარების მომენტშიარიან პირველ კურსზე, ისწავლიან ორწლიან საზოგადოებრივ კოლეჯებში, ხოლო მეორე და მესამე კურსის სტუდენტები იცხოვრებენ უნივერსიტეტის საერთო საცხოვრებლებში და განთავსდებიან ოთხწლიან კოლეჯებსა და უნივერსიტეტებში.
პროგრამა სრულად არის დაფინანსებული და ითვალისწინებს შემდეგს:

• მხარდაჭერას აშშ J-1 ვიზის მისაღებად;
• მგზავრობას მონაწილის საცხოვრებელი ქალაქიდან მასპინძელ უნივერსიტეტამდე ამერიკის შეერთებულ შტატებში და უკან;
• ბინის ქირას და კვებას აშშ-ში ყოფნის პერიოდში;
• უნივერსიტეტში სწავლების საფასურს და სხვა სავალდებული საუნივერსიტეტო ხარჯებს;
• თანხას წიგნების შესაძენად;
• ყოველთვიურ სტიპენდიას;
• სამედიცინო დაზღვევას;

დამატებითი ინფორმაციისთვის გთხოვთ, იხილოთ პროგრამის ვებგვერდი (http://georgia.usembassy.gov/resources/programs/exchange-programs/ugrad.html) და დაუკავშირდეთ გორის სახელმწიფო სასწავლო უნივერსიტეტის სტრატეგიული განვითარების, საერთაშორისო და საზოგადოებასთან ურთიერთობის სამსახურს ( ელ. ფოსტა: gstu2012@gmail.com).

---------------------------------------------------------------

---------------------------------------------------------

კონკურსი ტემპუსის პროექტის (516663-TEMPUS-1ES-1-TEMPUS-SMGR)  - „განათლების ინტერნაციონალიზაცია ცენტრალურ აზიასა და კავკასიაში“ -  ჩარჩოებში, დოქტორანტებისათვის  შემოთავაზებულია 2-3 კვირიანი სტაჟირება ესპანეთში, სევილიის უნივერსიტეტში. სრული დაფინანსებით
სევილიის უნივერსიტეტში ხელმძღვანელის შესარჩევად, კონკურსანტმა უნდა წარმოადგინოს საკვლევი სამუშაოს გეგმა/პროექტი (მოცულობით 2-3 გვერდი), რომელიც მოიცავს:
თემის დასახელებას; მიზანს; კვლევის მიმართულებას; კვლევითი სამუშაოს მოკლე აღწერას; კვლევის განხორციელებისათვის მოთხოვნილ პირობებს; მოსალოდნელ შედეგებს, სამომავლო პერსპექტივებს: რა წვლილს შეიტანს თქვენს მიერ შერჩეული საკვლევი თემა თქვენი დისერტაციის სრულყოფაში?
კვლევის სამუშაო გეგმის/პროექტის წარმოდგენის ბოლო ვადაა 2013 წლის 29 აპრილი
საკონტაქტო პირი: რუიზან მექვაბიძე
პირველი კორპუსი, ტემპუსისა და ერასმუს მუნდუსის ცენტრი, ოთახი 2014
ტელ.: 558 75 16 13

დამატებიტი ინფორმაცია იხილეთ: http://gu.edu.ge/iro-web/index-eng.htm

-------------------------------
გამოცხადდა ერასმუს მუნდუსის გაცვლითი პროგრამების კონკურსები:

1. BACKIS- http://backis-mundus.eu/index.php/backis-project

 IANUS  http://ianus.uaic.ro

       3.     EUROEAST   http://www.euroeast.polito.it/applications

4.      ALRAKIS II   http://www.alrakis2.eu/index.asp?p=1763&a=1744
  5.      WEBB   http://www.unibo.it/WEBB/default.htm

=============

გამოცხადდა კონკურსი Erasmus Mundus-ის მეორე აქტივობის პროექტის ALRAKIS ფარგლებში.
Erasmus Mundus არის თანამშრომლობისა და მობილობის პროგრამა უმაღლესი
განათლების სფეროში, რომელიც მიმართულია ევროპული უმაღლესი საგანმანათლებლო სისტემის ხარისხის გაუმჯობესებისკენ და ხელს უწყობს დიალოგსა და ურთიერთგაგებას ხალხსა და კულტურებს შორის მესამე ქვეყნებთან თანამშრომლობის საფუძველზე.
პროგრამის მეორე აქტივობა მოიცავს სტუდენტებისა და აკადემიური პერსონალის
მობილობას ევროპული და არაევროპული ქვეყნების უმაღლეს საგანმანათლებლო
დაწესებულებებში, პროგრამის ფარგლებში  სრულად ფინანსდება მობილობა (ერთი ან
მეტი სემესტრის გატარება) ბაკალავრების, მაგისტრების, დოქტორანტებისა და
ახალგაზრდა მკვლევრებისათვის, ასევე უნივერსიტეტის თანამშრომლებისთვის (ტრენინგი, სწავლება, კვლევა) პროგრამის მონაწილე უნივერსიტეტებში ევროპის
მასშტაბით.
ALRAKIS-ის ფარგლებში განხორციელდება გაცვლები საბაკალავრო,სადოქტორო და პოსტსადოქტორო საფეხურებზე. პროექტი ასევე ითვალისწინებს აკადემიური და ადმინისტრაციული პერსონალის მობილობას.
განაცხადება მიიღება 2012 წლის 20 აგვისტოდან 10 ოქტომბრამდე.
პროგრამის შესახებ დეტალური ინფორმაციისათვის გთხოვთ იხილოთ პროექტის ვებ-გვერდი: www.alrakis.eu
დამატებითი შეკითხვებისათვის მიმართეთ გორის სახელმწიფო სასწავლო უნივერსიტეტის საერთაშორისო ურთიერთობების ოფისს (უნივერსიტეტის პირველი სასწავლო კორპუსი, პირველი სართული, ტელ.: +995 370 27 32 13)