გორის სახელმწიფო უნივერსიტეტის რექტორის მოვალეობის შემსრულებელმა, პროფესორმა ალექსანდრე მღებრიშვილმა რიზეს უნივერსიტეტის ახლადგახსნილ რუსთაველის კაბინეტს პირველი სიმბოლური საჩუქარი - შოთა რუსთაველის „ვეფხისტყაოსანი“ გადასცა.
გარდა ამისა, კაბინეტში განთავსდა პროფესორ ალექსანდრე მღებრიშვილის ბოლო წლებში გამოცემული მონოგრაფიები და პროფესორ გიორგი სოსიაშვილის ახლახანს დაბეჭდილი მოთხრობების კრებული „შეპყრობილი“.
საჩუქრების გადაცემის ცერემონიის შემდეგ, გორის სახელმწიფო უნივერსიტეტს წილად ხვდა პატივი, გაეხსნა ახლადდაარსებული კაბინეტის შთაბეჭდილებების წიგნი და პირველი, კეთილი სურვილები გაეგზავნა რეჯეფ ტაიფ ერდოღანის სახელობის რიზეს უნივერსიტეტის ხელმძღვანელობის და ქართული ენისა და ლიტერატურის განყოფილების მთელი შემადგენლობისთვის.