გენდერული ნიშნით ქალთა მკვლელობების წინააღმდეგ საინფორმაციო კამპანიის ფარგლებში, 14 მარტს გორის რაიონული პროკურატურის წარმომადგენლებმა გორის სახელმწიფო უნივერსიტეტის სტუდენტებთან საინფორმაციო შეხვედრა გამართეს.
შეხვედრას უძღვებოდნენ: გორის რაიონის პროკურატურის პროკურორი, ბატონი ოთარ დოხნაძე, რაიონული პროკურორის მოადგილე, ბატონი მორის ჩუბინიძე და მოწმისა და დაზარალებულის კოორდინატორი, ქალბატონი ხატია ჩიხლაძე.
ლექციის დროს განსაკუთრებული ყურადღება დაეთმო ქალთა გენდერული ნიშნით მკვლელობების გამომწვევ მიზეზებს და გენდერული სტერეოტიპების განხილვას.
ფემიციდის წინააღმდეგ საინფორმაციო კამპანიის მიზანი ქალთა მიმართ და ოჯახში ძალადობის წინააღმდეგ საზოგადოების ცნობიერების ამაღლება და ფემიციდის დანაშაულების პრევენციაა.