მიმდინარე წლის 22 ნოემბერს, გორის სახელმწიფო უნივერსიტეტის რექტორი, პროფესორი ალექსანდრე მღებრიშვილი შეხვდა „გუდავაძე-პატარკაციშვილის ფონდის“ დირექტორს, ბატონ ზურაბ კერვალიშვილს და ფონდის წარმომადგენელს, ქალბატონ მაიკო ჩიტაშვილს. შეხვედრაზე განიხილეს მიმდინარე და სამომავლო თანამშრომლობის პერსპექტივები.
შეხვედრას ესწრებოდა გორის უნივერსიტეტის განათლების, ზუსტ და საბუნებისმეტყველო მეცნიერებათ ფაკულტეტის დეკანი, პროფესორი ლელა ალექსიძე და საერთაშორსო ურთიერთობების სამსახურის უფროსი ზურაბ ზურაბაშვილი.
ამავე დღეს გორის უნივერსიტეტში გაფორმდა ხელშეკრულება განათლების, ზუსტ და საბუნებისმეტყველო მეცნიერებათა ფაკულტეტის ზოგადი განათლების დაწყებითი საფეხურის მასწავლებლის მომზადების ინტეგრირებული საბაკალავრო-სამაგისტრო პროგრამის ათ წარჩინებულ სტუდენტთან, რომლებმაც ყველაზე მაღალი შეფასებებით, გუდავაძე-პატარკაციშვილის ფონდის სტიპენდიები მოიპოვეს.