17 მაისს  გორის სახელმწიფო სასწავლო უნივერსიტეტს ეწვივნენ სსიპ „ადამიანით ვაჭრობის (ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდის” და ა.შ.შ-ს განვითარების სააგენტოს წარმომადგენლები, რომლებმაც ჩაატარეს  საჯარო ლექცია ოჯახში ძალადობის, ადამიანით ვაჭრობის (ტრეფიკინგის) მსხვერპლთა, საქართველოში ქალთა მიმართ ძალადობის თემებზე. მომხსენებლებმა ისაუბრეს  ისეთ საკითხებზე, როგორიცაა: ქალთა მიმართ ძალადობის სოციალური შედეგები, სოციალურ მუშაკთა  როლი, სახელმწიფოს პასუხი ოჯახში ძალადობის შემთხვევებზე, მსხვერპლი ქალების ტრანსფორმაცია თავშესაფარში მოხვედრიდან - ფანჯარა ახალ ცხოვრებაში. დასასრულს უპასუხეს სტუდენტების შეკითხვებს.