მიმდინარე წლის 10 ნოემბერს ჩატარდა სამუშაო შეხვედრა გორის სახელმწიფო უნივერსიტეტის სტრუქტურული ერთეულების ხელმძღვანელებთან, რომელიც ეძღვნებოდა 2022-2023 აკადემიური წლის განმავლობაში უნივერსიტეტის სტრუქტურული ერთეულების მიერ სამოქმედო გეგმის შესაბამისად გაწეული საქმიანობის ანგარიშისა და ახალი სამწლიანი სამოქმედო გეგმის ფორმირების საკითხებს. შეხვედრას უძღვებოდა უნივერსიტეტის ხარისხის უზრუნველყოფის სამსახურის ხელმძღვანელი ლევან მიდოდაშვილი.  სტრუქტურული ერთეულების ხელმძღვანელებთან ერთად სამუშაო შეხვედრაში მონაწილეობდა უნივერსიტეტის სტრატეგიული განვითარებისა და სამოქმედო გეგმების მონიტორინგის ჯგუფის ხელმძღვანელი ი. ბაინდურაშვილი.