მიმდინარე წლის 20 მაისს შედგა სამუშაო შეხვედრა  უნივერსიტეტის სამაგისტრო საგანმანათლებლო პროგრამების ხელმძღვანელებთან, ამ პროგრამების განმახორციელებელი აკადემიური და მოწვეული პერსონალის, აგრეთვე უნივერსიტეტის ფაკულტეტების ადმინისტრაციის წარმომადგენლებთან. შეხვედრას უძღვებოდნენ უნივერსიტეტის ხარისხის უზრუნველყოფის სამსახურის ხელმძღვანელი ლ. მიდოდაშვილი და სასწავლო პროცესის მართვის სამსახურის უფროსი ც. დურული. შეხვედრაზე განიხილეს საქართველოს განათლების, მეცნიერებისა და ახალგაზრდობის მინისტრის 2026 წლის 20 თებერვლის №20/ნ ბრძანების შესაბამისად სამაგისტრო საგანმანათლებლო პროგრამების მოდიფიცირებასთან დაკავშირებული საკითხები.  შეხვედრის ბოლო ნაწილი წარიმართა კითხვა-პასუხის რეჟიმში.