მიმდინარე წლის 21 მაისს, გორის სახელმწიფო უნივერსიტეტის სტუდენტებს მომხმარებელთა ინტერესების საზოგადოებრივი დამცველის სამსახურის წარმომადგენლები ეწვივნენ. შეხვედრის მიზანს სატელეკომუნიკაციო სფეროში ახალგაზრდების უფლებრივი ცნობიერების ამაღლება წარმოადგენდა.

სამსახურის წარმომადგენლებმა სტუდენტებს დეტალურად გააცნეს უწყების საქმიანობა, ამ მიმართულებით არსებული მიღწევები და ძირითადი გამოწვევები. განსაკუთრებული ყურადღება დაეთმო საზოგადოებრივი დამცველის აპარატის მიერ განხორციელებულ ისეთ მნიშვნელოვან პროექტებს, როგორებიცაა: „იცნობდე შენს უფლებებს კომუნიკაციების სფეროში“ და „მოგზაური ოფისი“.

შეხვედრაზე ახალგაზრდებმა ამომწურავი ინფორმაცია მიიღეს სატელეკომუნიკაციო დარგში მომხმარებელთა უფლებების, მომსახურე კომპანიების ვალდებულებებისა და საჩივრის/განცხადების განხილვის სამართლებრივი წესებისა თუ ვადების შესახებ.