25 ნოემბერს, გორის სახელმწიფო უნივერსიტეტის სტრატეგიული განვითარების, საერთაშორისო და საზოგადოებასთან ურთიერთობის სამსახურის ორგანიზებით, გორის უნივერსიტეტის განათლების, ზუსტ და საბუნებისმეტყველო ფაკულტეტის სტუდენტებისთვის მოეწყო შემეცნებითი ტური „ჯეოლაბსა“ და „ტექნოპარკში“. ექსკურსიის მიზანი იყო სტუდენტებს მიეღოთ ინფორმაცია IT (კომპიუტერული ტექნოლოგიების) სფეროში მიღწეული პროგრესის შესახებ. სტუდენტებს უმასპინძლა „ჯეოლაბმა“, სადაც სტუდენტები გაეცნენ თანამედროვე რობოტებსა და ტექნიკას. პროექტის დირექტორმა, ბატონმა სანდრო ასათიანმა სტუდენტებს გააცნო ინფორმაცია სტარტაპების შესახებ და გზები, თუ როგორ მოახდინონ იდეების განხორციელება.
ტექნოპარკში სტუდენტები გაეცნენ ტექნოპარკის ფუნქციებს და მიღწევებს. მიიღეს ინფორმაცია ტექნოპარკის მიერ განხორციელებულ პროექტებზე.
სტუდენტებს მიეცათ საშუალება პირადად გამოეცადათ სხვადასხვა ტექნიკის მუშაობის პრინციპები.