1 ივლისს გორის უნივერსიტეტის სამივე ფაკულტეტზე ჩატარდა დეკანების არჩევნები. შესაბამისი ფაკულტეტების საბჭოებზე დეკანობის კანდიდატებმა საბჭოს წევრებს გააცნეს საკუთარი პროგრამები და იმსჯელეს სამომავლო გეგმებზე. ყოფილმა დეკანებმა მადლობა გადაუხადეს კოლეგებს გასული 4 წლის მანძილზე გაწეული შრომისა და მხარდაჭერისთვის და მომავალ დეკანებს უსურვეს წარმატებები.
ხმების დათვლის შედეგად გამოვლინდა 3 გამარჯვებული: ჰუმანიტარული ფაკულტეტის დეკანად არჩეულ იქნა პროფესორი იოსებ ალიმბარაშვილი, განათლების, ზუსტ და საბუნებისმეტყველო მეცნიერებათა ფაკულტეტის დეკანად, პროფესორი დავით ჩოჩიშვილი, სოციალურ მეცნიერებათა, ბიზნესისა და სამართალმცოდნეობის ფაკულტეტის დეკანად, პროფესორი მარიკა შერაზადიშვილი.