2015 წლის 22 მაისს გორის სახელმწიფო სასწავლო უნივერსიტეტში განათლების ზუსტ და საბუნებისმეტყველო ფაკულტეტის ორგანიზებით გაცნობითი სახის შეხვედრა გაიმართა სსიპ- ქალაქ მარნეულის №2 საჯარო სკოლის, სსიპ - მარნეულის მუნიციპალიტეტის სოფლების - შაუმიანის №1 და კაჩაგანის საჯარო სკოლების და სსიპ - გარდაბნის მუნიციპალიტეტის სოფელ ჯანდარას საჯარო სკოლის მოსწავლეებსა და პედაგოგებთან.

შეხვედრის მიზანს წარმოადგენდა მულტილინგვური და მულტიკულტურული სწავლების ასპექტების გაცნობა, რომელიც ხორციელდება ინტეგრაციისა და ეროვნებათშორის ურთიერთობების ცენტრის ორგანიზებითა და გაეროს ქალთა ფონდის დაფინანსებით.
შეხვედრაზე დამსწრე საზოგადოებას სიტყვით მიმართეს გორის სახელმწიფო სასწავლო უნივერსიტეტის ადმინისტაციის ხელმძღვანელმა, პროფესორმა გიორგი ხორბალაძემ, განათლების, ზუსტ და საბუნებისმეტყველო ფაკულტეტის დეკანმა, პროფესორმა დავით ჩოჩიშვილმა, პროფესორებმა პაატა ქურდაძემ და ნელი ჭამპურიძემ.
შეხვედრის დასასრულს სტუმრებს გორის უნივერსიტეტისგან გადაეცათ სასაჩუქრე ნაკრებები, რის შემდეგაც მოეწყო ექსკურსია უფლისციხეში.