მიმდინარე წლის 29 ივნისს, გორის სახელმწიფო უნივერსიტეტში გაიმართა ჟან მონეს მოდულის - ,,აღმოაჩინე ევროკავშირი ასოცირების შეთანხმებაში“, შემაჯამებელი ღონისძიება და ამავე მოდულის ავტორისა და კოორდინატორის, ეკატერინე ქარდავას ავტორობით გამოცემული წიგნის - ,,ევროკავშირი, ასოცირების შეთანხმება და სამართლებრივი აპროქსიმაცია" პრეზენტაცია.
ღონისძიება გახსნა და მოდულის ფარგლებში განხორციელებული აქტივობები შეაჯამა გორის სახელმწიფო უნივერსიტეტის პროფესორმა ეკატერინე ქარდავამ. დამსწრეებს სიტყვით მიმართეს გორის უნივერსიტეტის სოციალურ მეცნიერებათა, ბიზნესისა და სამართალმცოდნეობის ფაკულტეტის დეკანმა, პროფესორმა მარიკა შერაზადიშვილმა, ამავე უნივერსიტეტის ურიდიული სამსახურის ხელმძღვანელმა დავით კვერნაძემ და პრაქტიკული სამართლის კლინიკის ხელმძღვანელმა ივანე ბალახაშვილმა. შემაჯამებელ შეხვედრაზე ისაუბრეს გორის უნივერსიტეტის სტუდენტებმა: ხატია ხაბაშვილმა, ნინო ბერკაცაშვილმა, მარიამ მარტიაშვილმა და ხატია მიკირტიჩიანმა, რომლებმაც დამსწრეებს გაუზიარეს მოდულის ფარგლებში, ევროკავშირის შესახებ სწავლების შედეგად მიღებული ცოდნა და შთაბეჭდილებები.
მოდული მიზნად ისახავდა ევროპული სწავლების გაძლიერებას და ასოცირების შეთანხმების შესახებ ცნობიერების ამაღლებას.