2015 წლის 30 აპრილს გორის სახელმწიფო სასწავლო უნივერსიტეტში პროფესორ-მასწავლებელთა და შიდა ქართლის საჯარო და კერძო სკოლების მასწავლებელთა ერთობლივი სამეცნიერო კონფერენცია ჩატარდა.
კონფერენცია გახსნა გორის სახელმწიფო სასწავლო უნივერსიტეტის რექტორმა, პროფესორმა გიორგი სოსიაშვილმა. დამსწრე საზოგადოებას მიესალმნენ ქართული ენისა და ლიტერატურის ცენტრის ხელმძღვანელი პროფესორი ვიანორ ახალაია, ხარისხის უზრუნველყოფის სამსახურის ხელმძღვანელი პროფესორი ლევან მიდოდაშვილი, ღირსი მამა გიორგი მთაწმინდელის გორის გიმნაზიის პედაგოგი თინათინ გვერდწითელი და სსიპ გორის მუნიციპალიტეტის სოფელ ზერტის საჯარო სკოლის პედაგოგი აკაკი მაზანაშვილი.
კონფერენციაზე 23 მოხსენება იყო წარმოდგენილი, შემდეგ სექციებში: ქართული ენა და ლიტერატურა, ისტორია, მათემატიკა და კომპიუტერული ტექნოლოგიები, განათლება.