საქართველოს განათლებისა და მეცნიერების სამინისტროს ორგანიზებით მიმდინარე წელს 24 სექტემბრიდან 8 ოქტომბრის ჩათვლით იმართება „მეცნიერებისა და ინოვაციების საერთაშორისო ფესტივალი 2017“.
30 სექტემბერს სამეცნიერო პიკნიკი 2017 ჩატარდა ქალაქ გორში, რომელსაც მასპინძლობა გორის სახელმწიფო უნივერსიტეტმა გაუწია!
პიკნიკზე გორის უნივერსიტეტი წარდგა საგამოფენო-შემეცნებითი კუთხით, სადაც წარმოდგენილი იყო გუდაბერტყას ბრინჯაოს ხანის ნასოფლარის ძვ.წ IV-I ათასწლეულით დათარიღებული არტეფაქტები.
ამასთან ერთად დამთვალიერებლებისა და სკოლის მოსწავლეებისათვის სპეციალურად მოეწყო არქეოლოგიის იმიტირებული ველი, რომელიც დაინტერესებულ პირებს საშუალებას აძლევდა თავად მიეღოთ მონაწილეობა არქეოლოგიურ გათხრებში და აღმოეჩინათ ჩამარხული არტეფაქტები.
იმიტირებულმა არქეოლოგიურმა ველმა მოსწავლეების დიდი ინტერესი გამოიწვია, აქტიურად ჩაერთნენ გასართობ-შემეცნებით პროცესში, სკოლის მოსწავლეებმა ერთი დღის განმავლობაში მოირგეს არქეოლოგების როლი!