26 იანვარს გორის სახელმწიფო სასწავლო უნივერსიტეტმა უმასპინძლა პოლონეთის ელჩს საქართველოში ბატონ მარიუშ მაშკიევიჩს. უნივერსიტეტის რექტორმა, ბატონმა გიორგი სოსიაშვილმა ელჩსა და მის დელეგაციას გააცნო უნივერსიტეტის წარმატებები, შესაძლებლობები და დაათვალიერებინა უნივერსიტეტის ინფრასტრუქტურა.
ბატონი მარიუშ მაშკიევიჩი დაინტერესდა და აღფრთოვანდა უნივერსიტეტში არსებული ვარშავის უნივერსიტეტის ცენტრით. მან გამოთქვა მზაობა ცენტრის განვითარებაში.
შეხვედრაზე მხარეებმა განიხილეს სამომავლო თანამშრომლობის გეგმები. ოფიციალური შეხვედრის დასასრულს ბატონმა რექტორმა სტუმრებს გორის უნივერსიტეტის სახელით გადასცა სამახსოვრო საჩუქრები.