სსიპ გორის სახელმწიფო სასწავლო უნივერსიტეტის პრაქტიკული სამართლის კლინიკისა და სოციალურ მეცნიერებათა კათედრის ინიციატივით, სტუდენტების პრაქტიკის ფარგლებში, მიმდინარეობს ქალაქ გორის საჯარო სკოლებისთვის პრაქტიკული სამართლის სწავლების კურსი. სასწავლო კურსი მიმდინარეობს ხუთ საჯარო სკოლაში: მე-4, მე-5, მე-6, მე-8 და მე-9 სკოლებში. კურსის ფარგლებში, პირველ ეტაპზე სტუდენტებმა გაიარეს გადამზადების კურსი, შემდეგ კი  მათ ტრენინგები ჩაუტარეს სკოლის მოსწავლეებს.