2014 წლის 4 ივნისს  გორის სახელმწიფო სასწავლო უნივერსიტეტში პროექტის - „ჩვენ ვაზროვნებთ“ გამარჯვებულებთა დაჯილდოება გაიმართა. ღონისძიებას ესწრებოდნენ გამარჯვებულ მოსწავლეთა მშობლები და  მათემატიკის მასწავლებლები.

I ადგილი დაიკავა გორის N2 საჯარო სკოლის მოსწავლემ ლიკა გოგიშვილმა, II ადგილი - გორის N1 საჯარო სკოლის მოსწავლემ ანა ცერაძემ, ხოლო მესამე ადგილზე გავიდა გორის N7 საჯარო სკოლის მოსწავლე დავით ხარშილაძე.

პროექტის ორგანიზატორი იყო გორის სახელმწიფო სასწავლო უნივერსიტეტის მათემატიკის სპეციალობის სწავლების IV წლის სტუდენტი მერი ტერუნაშვილი.

გორის სახელმწიფო სასწავლო უნივერსიტეტის რექტორმა  გიორგი სოსიაშვილმა  სამახსოვრო საჩუქრები გადასცა როგორც პროექტის გამარჯვებულებს, ასევე მათს მათემატიკის მასწავლებლებს; უნივერსიტეტის მათემატიკის კათედრის სახელით პროფესორმა მალხაზ მუმლაძემ მოსწავლეები ფლეშ-მეხსიერების ბარათებით დააჯილდოვა.