30 აპრილს გორის მუნიციპალიტეტის საჯარო სკოლების პედაგოგებისა და მოსწავლეებისთვის ჰუმანიტარულ მეცნიერებათა ფაკულტეტის პროფესორმა, ისტორიისა და არქეოლოგიის სამეცნიერო ცენტრის ხელმძღვანელმა,ბატონმა ელდარ მამისთვალიშვილმა ჩაატარა საჯარო ლექცია თემაზე: ,,თამარ მეფის საფლავის ადგილსამყოფელი“. მომხსენებელმა ვრცლად ისაუბრა მე-12 საუკუნის მეორე ნახევარსა და მე-13 საუკუნის პირველ მეოთხედში საქართველოს აქტიურ საგარეო პოლიტიკაზე. თამარისა და ლაშა გიორგის ურთიერთობებზე ჯვაროსნებთან, ეგვიპტის სულთან სალაჰ-ად-დინსა და სხვა მეზობლებთან, შეეხო საქართველოს დიდი მეფის ცხოვრების საზოგადოებისათვის ნაკლებად ცნობილ ეპიზოდებსა და ფაქტებს, სათანადო არგუმენტებით განიხილა თამარის გარდაცვალების თარიღი და მისი უკანასკნელი განსასვენებლის ადგილმდებარეობის საკითხი. დამსწრე საზოგადოების სურვილის გათვალისწინებით შეირჩა მომდევნო საჯარო ლექციის თემა:,,გეორგევსკის ტრაქტატი და მისი როლი“, რომელიც ჩატარდება 7 მაისს, 15:00 საათზე. მომხსენებელი, ასოცირებული პროფესორი იოსებ ალიმბარაშვილი