5 ივნისს გორის სახელმწიფო სასწავლო უნივერსიტეტს ეწვია DAAD-ს თბილისის საინფორმაციო ცენტრის ხელმძღვანელი, ბატონი გებჰარდ როილი. საინფორმაციო შეხვედრაზე ბატონმა გებჰარდ როილმა და გორის უნივერსიტეტის ასოცირებულმა პროფესორმა, ქალბატონმა ლელა მახვილაძემ წარმოადგინეს DAAD-ს სასტიპენდიო პროგრამები 2019-2020 სასწავლო წლისათვის. პრეზენტაციას ესწრებოდნენ გერმანიის უნივერსიტეტებში სწავლით და კვლევით დაინტერესებული სტუდენტები, მაგისტრანტები, პროფესორ-მასწავლებლები, ასევე გორისა და ქარელის რაიონის საჯარო სკოლების უფროსკლასელები. საიფორმაციო შეხვედრა გახსნა გორის უნივერსიტეტის რექტორმა, პროფესორმა გიორგი სოსიაშვილმა. პრეზენტაცია გაიმართა გერმანულ ენაზე თარგმანის თანხლებით.