2 აპრილს, აუტიზმის შესახებ ცნობიერების ამაღლების დღესთან დაკავშირებით, გორის სახელმწიფო უნივერსიტეტში, ბავშვთა განვითარების ცენტრმა "აიქიუმ" სტუდენტებთან საინფორმაციო შეხვედრა გამართა.

აღნიშნულ შეხვედრაზე სტუდენტებს ამომწურავი ინფორმაცია მიეწოდათ აუტისტური სპექტრის დიაგნოსტირების შესახებ. ასევე, განხილული იყო ის გამოწვევები და სტერეოტიპები, რასაც ამ დიაგნოზის მქონე ადამიანები აწყდებიან ცხოვრების განმავლობაში.

შეხვედრას ესწრებოდნენ უნივერსიტეტის ადმინისტრაციის წარმომადგენლები და ფსიქოლოგიის საბაკალავრო პროგრამის ხელმძღვანელი.