მიმდინარე წლის 3 ივლისს უნივერსიტეტის მაგისტრანტებისა და პროგრამების განმახორციელებელი პერსონალისათვის Zoom-პლატფორმის გამოყენებით ჩატარდა სამუშაო შეხვედრა, რომელზეც განიხილეს სამაგისტრო ნაშრომების დაცვასთან დაკავშირებული საკითხები. შეხვედრას უძღვებოდა უნივერსიტეტის ხარისხის უზრუნველყოფის სამსახურის ხელმძღვანელი ლ. მიდოდაშვილი. შეხვედრაში აგრეთვე მონაწილეობდნენ ფაკულტეტების ადმინისტრაციული პერსონალის წარმომადგენლები, უნივერსიტეტის ბიბლიოთეკის ხელმძღვანელი ნ. გორგიშელი, უნივერსიტეტის სამეცნიერო კვლევების ცენტრის უფროსი ნ. ახალკაცი. შეხვედრის მონაწილეებმა უპასუხეს უნივერსიტეტის მაგისტრანტებისა და პერსონალის მრავალრიცხოვან შეკითხვებს.