21 ნოემბერს სასწავლო პროცესი დაიწყო გორის უნივერსიტეტის მოდულურ და საგნობრივ პროფესიულ პროგრამებზე.
სტუდენტებს სასწავლო პროცესის დაწყება მიულოცა გორის უნივერსიტეტის რექტორმა, პროფესორმა გიორგი სოსიაშვილმა, რომელმაც წარმატება უსურვა სტუდენტებს და ისაუბრა აღნიშნული პროგრამების მნიშვნელობაზე.
სასწავლო პროცესის დაწყება სტუდენტებს მიულოცეს გორის უნივერსიტეტის სოციალურ მეცნიერებათა, ბიზნესისა და სამართალმცოდნეობის ფაკულტეტის დეკანმა, პროფესორმა მარიკა შერაზადიშვილმა, სასწავლო პროცესის მართვის სამსახურის უფროსმა, პროფესორმა ციური დურულმა და პროფესიული პროგრამების ადმინისტრატორმა ლევან წიქარიძემ.