27 თებერვალს გორის სახელმწიფო სასწავლო უნივერსიტეტს ესტუმრა ბულგარეთის ელჩი, ქალბატონი დესისლავა ივანოვა და საელჩოს წარმომადგენელი, ქალბატონი ხრისტინა ხრისტოვა. სტუმრებმა შეხვედრა გამართეს გორის სახელმწიფო უნივერსიტეტის რექტორთან, ბატონ გიორგი სოსიაშვილთან და სოციალურ მეცნიერებათა, ბიზნესისა და სამართალმცოდნეობის ფაკულტეტის დეკანთან, ქალბატონ მარიკა შერაზადიშვილთან. მხარეებმა გამოთქვეს სამომავლო თანამშრომლობის სურვილი, დაისახა კონკრეტული გეგმები. გარდა ამისა, ქალბატონმა დესისლავა ივანოვამ სტუდენტებისთვის წაიკითხა ლექცია ბულგარეთის ისტორიის, საქართველო-ბულგარეთის ურთიერთობასა და თანამედროვე გამოწვევების შესახებ.