11 მაისს "ევროპის დღეები 2016" ფარგლებში, გორის უნივერსიტეტს ეწვივნენ "ევროპისმცოდნეთა კლუბის" კურატორი, პროფესორი ნუგზარ ბარდაველიძე, კლუბის წევრი მარიამ ბაგაური და საქართველოს ტექნიკური უნივერსიტეტის სტუდენტები.
შეხვედრა გახსნა გორის უნივერსიტეტის სტრატეგიული განვიტარების, საერთაშორისო და საზოგადოებასთან ურთიერთობის სამსახურის უფროსმა ანა იმნაძემ, რომელმაც ისაუბრა უნივერსიტეტების ერთობლივი პროექტების მნიშვნელობაზე, რომელიც საშუალებას იძლევა სხვადასხვა უნივერსიტეტების სტუდენტებმა გაიცნონ ერთმანეთი და დაგეგმონ ერთობლივი პროექტები.
პროფესორმა ნუგზარ ბარდაველიძემ წაიკითხა საჯარო ლექცია თემაზე: „საქართველოს ევროპული არჩევანი.“ ისაუბრა საქართველოს ევროპულ გზაზე, ქართულ-ევროპულ ურთიერთობებსა და საქართველოს ევროკავშირში გაწევრიანების პერსპექტივებზე, ღონისძიებას ესწრებოდნენ სტუდენტები, ისტორიისა და არქეოლოგიის სასწავლო-სამეცნიერო ცენტრის ხელმძღვანელი, პროფესორი ელდარ მამისთვალიშვილი, ადამიანური რესურსების მართვის სამსახურის უფროსი, პროფესორი იოსებ ალიმბარაშვილი. შეხვედრის ბოლოს მან სტუდენტების მიერ დასმულ შეკითხვებსაც უპასუხა სტუმრები მიიღო გორის უნივერსიტეტის რექტორმა, პროფესორმა გიორგი სოსიაშვილმა, რომელმაც გამოთქვა ევროპისმცოდნეთა კლუბთან მჭიდრო თანამშმრომლობის სურვილი.