მიმდინარე წლის 16 დეკემბერს გორის სახელმწიფო სასწავლო უნივერსიტეტს ეწვია იუნუს ემრეს სახელობის ინსტიტუტის დირექტორი, ბატონი ალი ოღუზჰან იუქსელი. შეხვედრა გაიმართა გორის უნივერსიტეტის რექტორ, პროფესორ გიორგი სოსიაშვილთან, სადაც განიხილეს გორის უნივერსიტეტსა და თურქეთის რესპუბლიკის უნივერსიტეტებს შორის არსებული საქმიანი ურთიერთობები, მათი შემდგომი განვითარების გეგმები და პერსპექტივები.
გადაწყდა, გორის უნივერსიტეტში თურქული ენისა და კულტურის კაბინეტის შექმნა, რომლის ბაზაზეც განხორციელდება:
• თურქული ენის შემსწავლელი კურსები გორის უნივერსიტეტის სტუდენტებისა და აკადემიური პერსონალისთვის;
• ერთობლივი აკადემიური და სასწავლო პროექტები.