1 მარტს გორის უნივერსიტეტს ეწვია გორის, კასპის, ქარელის და ხაშურის მუნიციპალიტეტში სახელმწიფო რწმუნებულის მოადგილე, ბატონი ნუგზარ სამხარაძე, რომელიც შეხვდა ტურიზმისა და ისტორიის მიმართულების სტუდენტებს.
შეხვედრა გახსნა გორის უნივერსიტეტის რექტორმა, პროფესორმა ალექსანდრე მრებრიშვილმა, რომელმაც მადლობა გადაუხადა სტუმარს და წარუდგინა სტუდენტებს.
შეხვედრაზე ბატონმა ნუგზარ სამხარაძემ სტუდენტებს გააცნო ტურიზმის მიმართულებით დაგეგმილი პროექტების შესახებ და ხაზი გაუსვა ამ პროექტებში სტუდენტების ჩართულობის აუცილებლობას. შეხვედრაზე თავისი მოსაზრებები გამოთქვა რექტორის მოადგილემ, პროფესორმა გიორგი სოსიაშვილმა, რომელმაც ისაუბრა მიმდინარე წელს გორის უნივერსიტეტში დაგეგმილ ტურიზმის საერთაშორისო ფორუმის ჩატარების შესახებ, ასევე იმ გამოცდილებაზე რაც უნივერსიტეტს უკვე აქვს - კონკრეტული ტურისტული მარშრუტი შინდისი-არბო, ნიქოზი, დიცი, სადაც მონაწილეობას იღებენ გორისა და ივანე ჯავახიშვილის სახელობის თბილისის სახელმწიფო უნივერსიტეტის კავკასიოლოგიის მიმართულების სტუდენტები.