27 აპრილს გორის სახელმწიფო სასწავლო უნივერსიტეტში საქართველოს საგარეო პრიორიტეტებსა და ევროპასთან ინტეგრაციის შესახებ იმსჯელეს. გორის უნივერსიტეტს საქართველოს პარლამენტის საგარეო ურთიერთობათა კომიტეტის თავმჯდომარე სოფო ქაცარავა, ლიტვის რესპუბლიკის საგანგებო და სრულუფლებიანი ელჩი საქართველოში გიედრიუს პუოჯიუნასი, რუმინეთის საგანგებო და სრულუფლებიანი ელჩი საქართველოში რადუ ლივიუ ჰორუმბა, იტალიის საგანგებო და სრულუფლებიანი ელჩი საქართველოში ანტონიო ენრიკო ბარტოლი, საფრანგეთის საგანგებო და სრულუფლებიანი ელჩი საქართველოში პასკალ მენიე ესტუმრნენ და სტუდენტებთან გამართეს შეხვედრა. შეხვედრისას ევროკავშირის წევრი ქვეყნების ელჩებმა საქართველოს ევროპულ პერსპექტივაზე ისაუბრეს, სტუდენტების შეკითხვებს უპასუხეს და საკუთარი ქვეყნების გამოცდილება გაუზიარეს.