2018 წლის 18 სექტემბერს გორის უნივერსიტეტში გაიმართა სტრატეგიული განვითარების გეგმის პროექტის განხილვა შიდა ქართლის რეგიონის დამსაქმებლებთან.

შეხვედრა გახსნა გორის უნივერსიტეტის რექტორმა, პროფესორმა გიორგი სოსიაშვილმა, რომელმაც ისაუბრა უნივერსიტეტისა და რეგიონში მოქმედ ორგანიზაციების თანამშრომლობის საჭიროების შესახებ.

გეგმის პროექტი წარმოადგინა ხარისხის მართვის სამსახურის უფროსმა, პროფესორმა ლევან მიდოდაშვილმა.

შეხვედრაზე მოისმინეს დამსაქმებელთა რეკომენდაციები და მოსაზრებები, რომლებიც ასახული იქნება სტრატეგიულ გეგმაში.