2016 წლის 18 ნოემბერს, სასტუმრო „რედისონში“, საქართველოს დაწყებითი განათლების პროექტს (G-PriEd), მასწავლებელთა პროფესიული განვითარების ეროვნულ ცენტრსა და განათლების მიმართულების საგანმანათლებლო პროგრამების განმახორციელებელ უმაღლეს საგანმანათლებლო დაწესებულებებს შორის ხელი მოეწერა ურთიერთთანამშრომლობის მემორანდუმს. აგრეთვე, შედგა მათემატიკისა და ქართული ენის საგნების პროფესორ-მასწავლებლებისთვის დაგეგმილი სამუშაო შეხვედრა: პროექტის მიერ შემუშავებული სილაბუსების პროექტების განხილვა.
გორის სახელმწიფო სასწავლო უნივერსიტეტს შეხვედრაზე წარმოადგენდა რექტორი პროფესორი გიორგი სოსიაშვილი, სასწავლო პროცესის მართვის სამსახურის უფროსი პროფესორი ციური დურული, განათლების, ზუსტ და საბუნებისმეტყველო მეცნიერებათა ფაკულტეტის დეკანი ასოცირებული პროფესორი დავით ჩოჩიშვილი, ფაკულტეტის ხარისხის უზრუნველყოფის სამსახურის უფროსი ასოცირებული პროფესორი ლაურა ელიაური, დაწყებითი განათლების საბაკალავრო პროგრამის ხელმძღვანელი პროფესორი ნოდარ მირაზანაშვილი და პროფესორი მზია ზანგალაძე.