11 ნოემბერს გორის სახელმწიფო სასწავლო უნივერსიტეტს ეწვია ვარშავის უნივერსიტეტის დელეგაცია, პოლონეთის ელჩი საქართველოში ანჟეი ჩიეშკოვსკი, წმინდა გრიგოლ ფერაძის სახელობის თბილისის სასწავლო უნივერსიტეტის და ადგილობრივი ხელისუფლების წარმომადგელები, გორისა და ატენის მიტროპოლიტი მეუფე ანდრია. სტუმრები მიიღო უნივერსიტეტის რექტორმა გიორგი სოსიაშვილმა და უნივერსიტეტის კანცლერმა გიორგი ხორბალაძემ. გორის უნივერსიტეტის რექტორმა პოლონეთის დამოუკიდებლობის გამოცხადების დღე მიულოცა სტუმრებს და მიიწვია ვარშავის უნივერსიტეტის ცენტრის გახსნაზე, სადაც განთავსებულია გორისა და ვარშავის უნივერსიტეტის ურთიერთობის ამსახველი ფოტოგამოფენა და უნივერსიტეტში დაცული პოლონური ფონდი. ხელი მოაწერეს ურთიერთთანამშრომლობის კონვენციას. ვარშავის უნივერსიტეტის პროფესორი დავით ყოლბაია აირჩიეს გორის უნივერსიტეტის საპატიო დოქტორად. ადგილობრივმა ხელისუფლებმა სტუმრებს დაათვალიერებინეს წმინდაწყლის დასახლებაში, ტყვიავის ქუჩის მიმდებარე ტერიტორია, სადაც პოლონელი სახელმწიფო და პოლიტიკური მოღვაწის, პოლონეთის რესპუბლიკის პირველი მეთაურის იოზეფ პილსუდსკის, სკვერის გახსნა იგეგმება.
15 საათზე ვარშავის უნივერსიტეტის პროფესორმა იან მალიცკიმ და ვარშავის უნივერსიტეტის პროფესორმა დავით ყოლბაიამ გორის უნივერსიტეტში სტუდენტებისთვის ჩაატარეს საჯარო ლექციები.