20 მაისი, 2010

 2010 წლის 19 მაისს, სტუდენტური დღეების ფარგლებში, გორის გ. ერისთავის სახელობის თეატრის ბაღში გაიმართა ჯაზის საღამო ბენდ "კანუდოსისა" და გორის უნივერსიტეტის სტუდენტთა მონაწილეობით. მიუხედავად ცუდი ამინდისა, ღონისძიებას მაყურებელი არ აკლდა. სტუდენტთა გამოსვლებს დამსწრე საზოგადოება აპლოდისმენტებით აჯილდოებდა. რამდენიმე სიმღერა ახალგაზრდების საყვარელმა მომღერალმა, თეონა ნიაზაშვილმა შეასრულა. თეატრის ბაღში შეკრებილი საზოგადოება კონცერტით კმაყოფილი დარჩა.