2023 წლის 10 თებერვალს გორის სახელმწიფო უნივერსიტეტის ისტორიისა და არქეოლოგიის ცენტრმა ჰუმანიტარულ მეცნიერებათა ფაკულტეტთან ერთად უმასპინძლა დავით აღმაშენებლისადმი მიძღვნილ მეცხრე საერთაშორისო სამეცნიერო კონფერენციას.
კონფერენციის მონაწილეებს და მოწვეულ სტუმრებს მიესალმა გორის სახელმწიფო უნივერსიტეტის რექტორი, პროფესორი გიორგი სოსიაშვილი. მან ისაუბრა კონფერენციის მნიშვნელობაზე და მადლობა გადაუხადა საქართველოს განათლებისა და მეცნიერების სამინისტროს გორის უნივერსიტეტის სტრატეგიულად მნიშვნელოვანი პროექტების განხორციელების პროცესში მხარდაჭერისთვის. კონფერენციაში მონაწილეებს მიესალმა საქართველოს განათლების და მეცნიერების მინისტრის მოადგილე, ქალბატონი ნუნუ მიცკევიჩი, რომელმაც მიულოცა გორის უნივერსიტეტს დავით აღმაშენებლისადმი მიძღვნილი მეცხრე საერთაშორისო სამეცნიერო კონფერენციის გახსნა. კონფერენციის მონაწილეებს სიტყვით მიმართეს და წარმატებები უსურვეს აკაკი წერეთლის სახელმწიფო უნივერსიტეტის რექტორმა, პროფესორმა როლანდ კოპალიანმა, სოხუმის სახელმწიფო უნივერსიტეტის წარმომადგენლობითი საბჭოს (სენატის) სპიკერმა, პროფესორმა დავით ჯალაღონიამ, საქართველოს სამოციქულო ავტოკეფალური მართლმადიდებელი ეკლესიის თბილისის სასულიერო აკადემია და სემინარიის პროფესორმა სერგო ვარდოსანიძემ, 19 მაისის უნივერსიტეტის (თურქეთი) დოქტორანტმა ბასტი ბექიროვამ. მისასალმებელი სიტყვით მიმართა კონფერენციაში მონაწილეებს გორის სახელმწიფო უნივერსიტეტის ისტორიისა და არქეოლოგიის ცენტრის ხელმძღვანელმა, პროფესორმა ელდარ მამისთვალიშვილმა, რომელმაც მადლობა გადაუხადა კონფერენციაში მონაწილეებს და წარმატებები უსურვა.
კონფერენციაზე წარმოდგენილი გახლდათ 38 მოხსენება. კონფერენციის მონაწილეები: გორის სახელმწიფო უნივერსიტეტი; ივანე ჯავახიშვილის სახელობის თბილისის სახელმწიფო უნივერსიტეტი; ივანე ჯავახიშვილის სახელობის თბილისის სახელმწიფო უნივერსიტეტის ივანე ჯავახიშვილის სახელობის ისტორიისა და ეთნოლოგიის ინსტიტუტი; ილიას სახელმწიფო უნივერსიტეტი; ილიას სახელმწიფო უნივერსიტეტის გიორგი წერეთლის აღმოსავლეთმცოდნეობის ინსტიტუტი; აკაკი წერეთლის სახელმწიფო უნივერსიტეტი; ბათუმის შოთა რუსთაველის სახელმწიფო უნივერსიტეტი; სამცხე-ჯავახეთის სახელმწიფო უნივერსიტეტი; იაკობ გოგებაშვილის სახელობის თელავის სახელმწიფო უნივერსიტეტი; სოხუმის სახელმწიფო უნივერსიტეტი; გრიგოლ რობაქიძის უნივერსიტეტი; შოთა რუსთაველის სახელობის ქართული ლიტერატურის ინსტიტუტი; საქართველოს საპატრიარქოს წმიდა თამარ მეფის სახელობის უნივერსიტეტი; კორნელი კეკელიძის სახელობის საქართველოს ხელნაწერთა ეროვნული ცენტრი; სამთავროს დედათა მონასტერი; საქართველოს ეროვნული მუზეუმი; ნიკო ბერძენიშვილის სახელობის ქუთაისის სახელმწიფო ისტორიული მუზეუმი; ხაშურის მუნიციპალიტეტის სამუზეუმო გაერთიანება; 19 მაისის უნივერსიტეტი (თურქეთი); აზერბაიჯანის მეცნიერებათა ეროვნული აკადემიის კავკასიის კვლევის ინსტიტუტი