25 ნოემბერს, გორის სახელმწიფო უნივერსიტეტში, პოლონეთის რესპუბლიკის საელჩოს ინიციატივით, გაიმართა პიელეცკის ინსტიტუტის მიერ მომზადებული დოკუმენტური ფილმის ჩვენება "ბანაკი 0331", რომელიც ეხება პოლონელი ტყვეების ბედს ქუთაისის ბანაკში (1945-1947წწ).
ფილმში გამოყენებულია ვილნიუსის ეროვნული არმიის ჯარისკაცების მოგონებები, პროფესორ დარიუშ როგუტის წიგნიდან "გადავრჩით შრომით ბანაკებში".
ფილმის დაწყებამდე, გორის სახელმწიფო უნივერსიტეტის რექტორმა, პროფესორმა გიორგი სოსიაშვილმა მადლობა გადაუხადა პოლონეთის საელჩოს აქტიური თანამშრომლობისთვის და ისაუბრა მსგავსი აქტივობების მნიშვნელობაზე.
ფილმის ჩვენებას ესწრებოდა საქართველოში პოლონეთის ელჩის მოადგილე, ბატონი მარიუშ პიეტჟაკი.