2023 წლის 7 აპრილს, საქართველოს მწვანეთა მოძრაობა/დედამიწის მეგობრები-საქართველოს, ორგანიზებით, საქართველოს პრეზიდენტის, საქართველოს გარემოს დაცვისა და სოფლის მეურნეობის სამინისტროს, საქართველოს განათლებისა და მეცნიერების სამინისტროსა და საქართველოში შვედეთის სამეფოს საელჩოს მხარდაჭერით, საქართველოში პირველად „ახალგაზრდული ფორუმი-მდგრადი განვითარებისა და ევროინტეგრაციისათვის“ გაიმართა.
ფორუმის მიზანი იყო ახალგაზრდების ინფორმირებულობის, ჩართულობისა და გადაწყვეტილების მიღების პროცესში მონაწილეობის გაზრდა, ინოვაციური ხედვების წარმოჩენა და ასახვა ქვეყნის მიერ განსახორციელებელი ამოცანების შესრულების პროცესში. მათ შორის, გაეროს მდგრადი განვითარების მიზნებისა და საქართველოს ევროპული ინტეგრაციის საკითხებთან დაკავშირებით.
ფორუმში მონაწილეობდა საქართველოს 12 უნივერსიტეტი. მათ შორის იყვნენ გორის სახელმწიფო უნივერსიტეტის განათლების, ზუსტ და საბუნებისმეტყველო მეცნიერებათა ფაკულტეტის სტუდენტები: ზეზვა ბუთურშვილი, მანანა აბალაკი და ლიზა ლაფაჩი. მათ მიერ გაეროს მდგრადი განვითარების 17 მიზნიდან 3 მიზანთან დაკავშირებულმა მოხსენებებმა დიდი მოწონება დაიმსახურეს. სტუდენტებს ხელმძღვანელობას უწევდა ასოცირებული პროფესორი თინათინ იოსებიძე.