2024 წლის 11 ნოემბერს მეცნიერების საერთაშორისო დღესთან დაკავშირებით გორის სახელმწიფო უნივერსიტეტში მოეწყო უნივერსიტეტის აკადემიური პერსონალის სამეცნიერო პუბლიკაციებისა და მონოგრაფიების გამოფენა/ექსპოზიცია, სადაც წამოდგენილი იყო 2020-2024 წლებში გამოქვეყნებული მასალები.
უნივერსიტეტის ბიბლიოთეკის პერსონალის ჩართულებით, ასევე, გამოიფინა რარიტეტული ნაწილი გორის უნივერსიტეტში დაცული უნიკალური წიგნადი ფონდიდან.
მეცნიერების საერთაშორისო დღესთან დაკავშირებით ჰორაიზონ ევროპის საუნივერსიტეტო ოფისის კოორდინატორმა, გიორგი მღებრიშვილმა და საერთაშორისო ურთიერთობების სამსახურის ხელმძღვანელმა ზურაბ ზურაბაშვილმა გორის უნივერსიტეტის აკადემიური პერსონალისთვის წარმოადგინეს საინფორმაციო პრეზენტაცია ადგილობრივ, საერთაშორისო და ჰორაიზონ ევროპის სამეცნიერო საგრანტო კონკურსებთან დაკავშირებით.