რამდენიმე წელიწადია გორის უნივერსიტეტი, შიდა ქართლის და ბორჯომის მუნიციპალიტეტის გამგეობებთან თანამშრომლობით, აქტიურად არის ჩართული სკოლებს შორის „მხიარულთა და საზრიანთა კლუბის“ რაიონულ ჩემპიონატების ორგანიზებაში. რამდენადაც, სკოლებთან მრავალფეროვანი და მჭიდრო ურთიერთობა უნივერსიტეტის სტრატეგიის მნიშვნელოვან ნაწილს წარმოადგენს.
2023 წლის ნოემბერის ბოლო კვირას დაბა სურამში გაიმართა აღნიშნული ჩემპიონატის ფინალური ტური ხაშურის მუნიციპალიტეტის სკოლებს შორის, სადაც უნივერსიტეტის ადმინისტრაციის ხელმძღვანელმა, პროფესორმა გიორგი ხორბალაძემ, გამარჯვებულ გუნდს, ტრადიციულად, გადასცა გორის უნივერსიტეტის თასი და ყველა ფინალისტი უნივერსიტეტისგან დაჯილდოვდა ერთდღიანი ექსკურსიით.
უნივერსიტეტი მადლობას უხდის თანამშრომლობისთვის ხაშურის მუნიციპალიტეტის კულტურის ცენტრების გაერთიანების ხელმძღვანელს, ბატონ გიორგი ბოლოკაძეს, ხაშურის საგანმანათლებლო რესურსცემტრის ხელმძღვანელს ბატონ ზვიად გოგუაძეს და იმედოვნებს, რომ მოსწავლე ახალგაზრდობის განვითარებაზე ორიენტირებულ საქმიანობაში, ჩვენი თანამშრომლობა მომავალშიც გაგრძელდება.