2021 წლის 18 დეკემბერს გორის სახელმწიფო სასწავლო უნივერსიტეტის განათლების, ზუსტ და საბუნებისმეტყველო მეცნიერებათა ფაკულტეტის ასოცირებული პროფესორის, თინათინ იოსებიძის ორგანიზებით ჩატარდა დიდი ქართველი ბოტანიკოსის, აკადემიკოს ნიკო კეცხოველის დაბადების 124-წლისთავისადმი მიძღვნილი ონლაინ კონფერენცია. მასში ჩართული იყო 74 მონაწილე - უნივერსიტეტის სტუდენტები, საჯარო სკოლის მოსწავლეები და მაწავლებლები. კონფერენციაში ასევე მონაწილეობდა CENN პროექტების კოორდინატორი, ნიკო კეცხოველის სასკოლო პრემიის ხელმძღვანელი შიდა ქართლში, ქალბატონი მარიკო წიქორიძე, რომელმაც ვრცლად ისაუბრა ნიკო კეცხოველის როლზე გარემოს დაცვით საკითხებთან მიმართებაში, პროექტის მიზნებზე და მნიშვნელობაზე.
შიდა ქართლის რეგიონის მოსწავლეების გარდა კონფერენციაში მონაწილეობა მიიღეს ახმეტის რაიონის სოფ. აწყურის, ხარაგაულის, კასპის, ახალციხის და წეროვნის #3 საჯარო სკოლის მოსწავლეებმა და პედაგოგებმა.
კონფერენცია შეაჯამა უნივერსიტეტის ასოცირებულმა პროფესორმა თინათინ იოსებიძემ, ქალბატონმა მარიკო წიქორაძემ, გორის საჯარო სკოლის პედაგოგებმა: მარიკა ვართუმაშვილმა (მე-12 სკოლა), ქეთევან კარელიძემ (მე-11 სკოლა), ნინო გუგუტიშვილმა (მე-9 სკოლა), ქეთევან ტლაშაძემ (ხელთუბნის სკოლა), ნინო კახნიაშვილმა (ყელქცეულის სკოლა), ნათია ტალახაძემ (ხარაგაულის #2 საჯარო სკოლა), ნანა დემუროვმა (წეროვნის #3 საჯარო სკოლა) და ნანა დემეტრაშვილმა (კასპის საჯარო სკოლა). მათ მზაობა გამოთქვეს აქტიურად ჩაერთნონ გორის სახელმწიფო სასწავლო უნივერსიტეტის კონფერენციებსა და საინტერესო ღონისძიებებში.