მიმდინარე წლის 14 ივნისს, გორის მუნიციპალიტეტის ტირძნისის საჯარო სკოლაში გაიმართა გორის უნივერსიტეტის რექტორის, პროფესორ გიორგი სოსიაშვილის რომანის „გოდების კედელი“ პრეზენტაცია და შემოქმედებითი საღამო.
შეხვედრას უძღვებოდა სკოლის დირექტორი, ქალბატონი დარეჯან ნასყიდაშვილი. სკოლის VIII, IX, X, XI კლასის მოსწავლეებმა წარმოადგინეს ლიტერატურული კომპოზიცია რომანიდან „გოდების კედელი“. შემოქმედებითი საღამო მუსიკალურად გააფორმა ტირძნისის სამუსიკო სკოლის მოსწავლეთა გუნდმა, ხელმძღვანელი - მანანა ხმიადაშვილი.
მწერალ გიორგი სოსიაშვილის რომანისა და შემოქმედების ირგვლივ ისაუბრეს: გორის საგანმანათლებლო რესურსცენრტის ხელმძღვანელმა, ქალბატონმა ნანა ტერმაკოზაშვილმა, წიგნის რედაქტორმა, გორის უნივერსიტეტის ლიტერატურლი კაფის ხელმძღვანელმა თამარ გელიტაშვილმა, პროფესორმა მურად მთვარელიძემ.
შეხვედრის დასასრულს, ბატონმა გიორგი სოსიაშვილმა მადლობა გადაუხადა ტირძნისის საჯარო სკოლის დირექტორს და მოსწავლეებს ემოციური საღამოსთვის. ისაუბრა ნაწარმოებზე მუშაობის პროცესის ზოგიერთ საინტერესო მომენტზე და ლიტერატურით დაინტერესებულ მოსწავლეებს პროფესიული რჩევები გაუზიარა.