19 დეკემბერს გორის სახელმწიფო უნივერსიტეტის გიორგი მახარობლიძის სახელობის ლიტერატურულ კაფეს ესტუმრა პროზაიკოსი, დრამატურგი, პოეტი და ესეისტი ნინო სადღობელაშვილი. მოდერატორი - თამარ გელიტაშვილი.
ნინო სადღობელაშვილმა ისაუბრა საკუთარ შემოქმედებით პროცესზე - რა გზა გაიარა დამწყები მწერლიდან აღიარებამდე, რა არის ის განსაკუთრებული თემატიკა, რომელიც მისი ინტერესის სფეროს შეადგენს და მწერლის მხატვრული ქმნილებების იდეას განსაზღვრავს; საინტერესო იყო აგრეთვე საუბარი მის დრამატურგიულ ნაწარმოებებზე, რომლებიც საქართველოს სხვადასხვა სცენაზე დაიდგა.
გორის უნივერსიტეტის სტუდენტობას სტუმარი პოეტის რანგშიც წარუდგა და თავისი რამდენიმე ლექსი წაუკითხა.
შეხვედრა კითხვა-პასუხის რეჟიმით წარიმართა და საინტერესო დიალოგის სახე მიიღო.
გორის სახელმწიფო უნივერსიტეტი მადლობას უხდის ნინო სადღობელაშვილს სტუმრობისთვის და უსურვებს შემდგომ წარმატებებს.