მიმდინარე წლის 1 ივნისს, საქართველოს იუსტიციის სამინისტროს ორგანიზებით, გორის სახელმწიფო უნივერსიტეტში გაიმართა საჯარო ლექცია ევროკავშირში საქართველოს ინტეგრაციის პროცესისა და მისი სამართლებრივი ასპექტების შესახებ.
ლექციას უძღვებოდნენ იუსტიციის სამინისტროს ევროკავშირის სამართლის დეპარტამენტის წარმომადგენლები - ნინო მიშიძე და ნუკრი დუნდუა.
შეხვედრაში მონაწილეობა მიიღეს როგორც გორის სახელმწიფო უნივერსიტეტის სტუდენტებმა, ასევე სკოლის მოსწავლეებმა.
შეხვედრა მიზნად ისახავდა საქართველოსა და ევროკავშირს შორის ურთიერთობებთან დაკავშირებით ახალგაზრდების ცნობიერების ამაღლებას.