მიმდინარე წლის 3 ნოემბერს, გორის სახელმწიფო უნივერსიტეტის საერთაშორისო ურთიერთობების სამსახურისა და პროფესორ ედვარდ რაუპის ორგანიზებით, საქართველოში ამერიკის შეერთებული შტატების საელჩოს სასტიპენდიო პროგრამების შესახებ გაიმართა საინფორმაციო შეხვედრა, რომელსაც წარუძღვნენ ამერიკის საელჩოს წარმომადგენლები - ლიკა გუმბერიძე, თეა კუჭუხიძე და ანა ხარიბეგაშვილი.
საელჩოს წარმომადგენლებმა გორის სახელმწიფო უნივერსიტეტის სტუდენტებსა და აკადემიურ პერსონალს ინფორმაცია მიაწოდეს აშშ-ს საელჩოს მიერ ორგანიზებული გაცვლითი პროგრამებისა და საგრანტო კონკურსების შესახებ.
მათ შორის:
1. Global Undergraduate Exchange Program (UGRAD);
2. Fulbright Graduate Student Program;
3. Fulbright Faculty Development Program;
4. Fulbright Visiting Scholar Program;
5. Benjamin Franklin Transatlantic Fellows Summer Institute;
6. Study of the United States Institutes (SUSI) for teachers.
ამავე შეხვედრაზე გორის სახელმწიფო უნივერსიტეტის საერთაშორისო ურთიერთობების სამსახურის წარმომადგენელმა, ქალბატონმა რუიზან მექვაბიძემ სტუდენტებს ინფორმაცია მიაწოდა ევროპის უნივერსიტეტებში სასტიპენდიო და მობილობის პროგრამების შესახებ.
შეხვედრის დასასრულს საელჩოს წარმომადგენლებმა უპასუხეს სტუდენტებისა და აკადემიური პერსონალის კითხვებს.