როგორც ცნობილია, საქართველო გახდა „მეცნიერებასა და ტექნოლოგიების ევროპული თანამშრომლობის ორგანიზაციის - „COST ასოციაციის“ წევრი. საქართველოს სრულფასოვან წევრობასთან დაკავშირებით, საქართველოს განათლებისა და მეცნიერების სამინისტრო, COST ასოციაციასთან ერთად აგრძელებს COST-ის პროგრამის ფარგლებში არსებული სხვადასხვა შესაძლებლობების შესახებ საინფორმაციო შეხვედრების ორგანიზებას.  2022 წლის 8 ივლისს, გორის სახელმწიფო სასწავლო უნივერსიტეტი მონაწილეობდა ღონისძიებაში, რომელიც ჩაატარა - COST ასოციაციის მეცნიერების ოფიცერმა - ქალბატონმა ინგა დადეშიძემ. შეხვედრა ორგანიზებული იყო საქართველოს უნივერსიტეტებში მოქმედ ,,ჰორიზონტი ევროპის’’ საგრანტო ოფისების თანამშრომლებისთვის, რის მიზანსაც წარმოადგენდა COST-ის პროგრამის ქსელური ინსტრუმენტებისა და მასში მონაწილეობის შესახებ ინფორმაციის მიწოდება და განხილვა.