მიმდინარე წლის 20 დეკემბერს გორის სახელმწიფო უნივერსიტეტის რექტორი, პროფესორი გიორგი სოსიაშვილი შეხვდა გორის უნივერსიტეტის 2022 წლის წარმატებულ სტუდენტებს სპორტის მიმართულებით.
"ევრო უნივერსიადა 2022" ძიუდოში: გორის სახელმწიფო უნივერსიტეტიდან მონაწილეობას იღებდა ორი სტუდენტი: გურამ გასიტაშვილი - ბიზნესის ორგანიზაციისა და მართვის საბაკალავრო საგანმანათლებლო პროგრამის სტუდენტი, რომელმაც დაიკავა პირველი ადგილი და გორის სახელმწიფო უნივერსიტეტს მოუტანა ოქროს მედალი. ალეკო ნებიერიძე - სპორტის საბაკალავრო პროგრამის სტუდენტი, რომელმაც დაიკავა მესამე ადგილი და მოიპოვა ბრინჯაოს მედალი.
"სტუდენტური მსოფლიო თასის ჩემპიონატი სამბოში": გორის სახელმწიფო უნივერსიტეტიდან მონაწილეობას იღებდა გიორგი ლურსმანაშვილი, სპორტის საბაკალავრო პროგრამის სტუდენტი, რომელმაც დაიკავა პირველი ადგილი და მოიპოვა ოქროს მედალი.
"სპორტული უნივერსიადა" საქართველოში, ჭიდაობის სხვადასხვა სახეობაში: სამბო, პირველი ადგილი (თავის წონაში) მოიპოვა ვაჟა კაკილაშვილმა - ბიზნესის ორგანიზაციისა და მართვის საბაკალავრო პროგრამის სტუდენტი. ძიუდო: ვერცხლის მედალი მოიპოვა დავით კუდუხაშვილმა - ბიზნესის ორგანიზაციისა და მართვის საბაკალვრო პროგრამის სტუდენტი.
შეხვედრის დროს, უნივერსიტეტის რექტორმა სტუდენტებს მიულოცა გამარჯვებები და უსურვა შემდგომი წარმატებები, გადასცა მადლობის სიგელები და გააცნო ინფორმაცია გივი ხაჩიძის სახელობის სტიპენდიის მოპოვებასთან დაკავშირებით.