2022 წლის 20 ოქტომბერს გორის სახელმწიფო უნივერსიტეტის სტრატეგიული განვითარების საბჭოს წევრები შეხვდნენ უნივერსიტეტის დამსაქმებლებს და გააცნეს უნივერსიტეტის მისიაში ცვლილებების გამომწვევი მიზეზები და განხილვის მიზნით წარუდგინეს განახლებული მისიის პროექტი. აღინიშნა დაინტერესებული მხარეების აქტიური მონაწილეობის მნიშვნელობა უნივერსიტეტის განვითარების პროცესებში, მათ შორის ახალი მისიის ჩამოყალიბებაში. შეხვედრის ბოლოს, საბჭოს წევრებმა თხოვნით მიმართეს დამსაქმებლებს, ახალი მისიის პროექტთან დაკავშირებული შენიშვნებისა და წინადადებების წარმოდგენის თაობაზე.