მიმდინარე წლის 28 აპრილს დაიწყო გორის სახელმწიფო უნივერსიტეტის პრაქტიკული სამართლის კლინიკისა და სოციალურ მეცნიერებათა კათედრის მიერ ორგანიზებული ტრენინგების ციკლი „ადამიანის კონსტიტუციური უფლებები“.
პირველი ტრენინგი გაიმართა ფხვენისის საჯარო სკოლის მე-9, მე-10 და მე-11 კლასის მოსწავლეებისთვის, თემაზე: ,,სამართალი და სამართლებრივი სისტემები, კონსტიტუცია".
ტრენინგს უძღვებოდნენ გორის სახელმწიფო უნივერსიტეტის სამართალმცოდნეობის სტუდენტები: თამთა დოლიაშვილი, მარი მეგრელიშვილი და ნათია ბაგრატიონი.
შეხვედრა გახსნა გორის სახელმწიფო უნივერსიტეტის პრაქტიკული სამართლის კლინიკისა და სოციალურ მეცნიერებათა კათედრის ხელმძღვანელმა ივანე ბალახაშვილმა, რომელმაც მოსწავლეებს გააცნო პრაქტიკული სამართლის კლინიკის საქმიანობა.
ტრენინგების ციკლი „ადამიანის კონსტიტუციური უფლებები“ მიზნად ისახავს სკოლის მოსწავლეთა ცნობიერების ამაღლებას ადამიანის უფლებების შესახებ, მათთვის პრაქტიკული უნარ-ჩვევების განვითარების ხელშეწყობასა და გორის სახელმწიფო უნივერსიტეტის ცნობადობის გაზრდას.