2022 წლის 25 ოქტომბერს ჩატარდა სსიპ გორის სახელმწიფო უნივერსიტეტის სტუდენტთა/პროფესიულ სტუდენტთა და შიდა ქართლის სკოლების საშუალო საფეხურის მოსწავლეთა ერთობლივი სამეცნიერო კონფერენცია - „იპოვე შენი მომავალი ჩვენთან“.
კონფერენცია გახსნა გორის სახელმწიფო უნივერსიტეტის რექტორის მოადგილემ, პროფესორმა ალექსანდრე მღებრიშვილმა, რომელიც მიესალმა კონფერენციაში მონაწილე სტუდენტებსა და მოსწავლეებს და უსურვა მათ წარმატებები. კონფერენციის მონაწილეებს მიესალმნენ და წარმატებები უსურვეს პროფესიული განათლების ცენტრის ხელმძღვანელმა, ასოცირებულმა პროფესორმა დავით ჩოჩიშვილმა, საზოგადოებასთან ურთიერთობის სამსახურის ხელმძღვანელმა, ასოცირებულმა პროფესორმა ანა იმნაძემ.
კონფერენციაზე პროგრამით წარმოდგენილი გახლდათ 72 ავტორის/თანაავტორის 59 მოხსენება შემდეგ სექციებში: „ქართული ენა და ლიტერატურა“, „უცხოური ენა და ლიტერატურა“, „ისტორია (მსოფლიო ისტორია, საქართველოს ისტორია)“, „ბუნებისმეტყველება“, „მათემატიკა და ინფორმაციული ტექნოლოგიები“, სპორტი“.