მიმდინარე წლის 24 თებერვალს გორის სახელმწიფო უნივერსიტეტში გაიმართა ვებინარი, რომელიც ეხებოდა სამეცნიერო ბიბლიომეტრიკის საკითხებს, კერძოდ აკადემიურმა პერსონალმა და მკვლევარებმა/სამეცნიერო პერსონალმა როგორ გაზარდოს საკუთარი რეიტინგი და ცნობადობა მსოფლიო მასშტაბით.

ვებინარზე გორის უნივერსიტეტი სამეცნიერო კვლევების ცენტრის ხელმძღვანელმა, ბატონმა ნიკოლოზ ახალკაცმა მსმენელებს გააცნო ის ბაზები (ORCID, ResearchGate, Google Scholar, Publons), სადაც მკვლევარებს შეუძლიათ დარეგისტრირდნენ და ატვირთონ საკუთარი სამეცნიერო შრომები. ამ ბაზების მონაცემებზე დაყრდნობით ბევრი ანალიტიკური ბაზა ადგენს მკვლევარის რეიტინგს. ხშირად სასწავლო-სამეცნიერო ინსტიტუციები მიმართავენ ასეთ ბაზებს, რომ დაადგინონ საკუთარი პერსონალის რეიტინგი და, შესაბამისად ინსტიტუციის რეიტინგიც. წამყვანმა აუდიტორიას გააცნო ერთ-ერთი ასეთი ბაზა (Adscientificindex).