2023 წლის 24-25 ოქტომბერს, ბილატერული თანამშრომლობის ფარგლებში, გორის სახელმწიფო უნივერსიტეტის სტუმრები იყვნენ WSB Merito University-ს (ტორუნი, პოლონეთი) პროფესორები მარჩინ ჩიზიუკი და ტომაშ მარჩიშიაკი.
ვიზიტის ფარგლებში სტუმრებმა გორის სახელმწიფო უნივერსიტეტის აკადემიურ პერსონალთან ჩაატარეს სამუშაო შეხვედრები, სადაც განიხილეს სწავლების შეფასების მეთოდოლოგიური მიდგომები (პოლონეთის მაგალითზე) და დისტანციური სწავლების ორგანიზების საკითხები.
გორის სახელმწიფო უნივერსიტეტი და WSB Merito University უახლოეს პერიოდში ხელს მოაწერენ ერასმუს +-ს პროგრამის ფარგლებში შეთანხმებას, რის საფუძველზეც შესაძლებელი იქნება სტუდენტებისა და აკადემიური პერსონალის მობილობა.